સુવિચાર

"Wel-Come to Information Technology & Freelancer Development World" સુવિચાર :- "મોટું વિચારો, ઝડપથી વિચારો, દુરંદેશી કેળવો. વિચારો પર કોઈનો એકાધિકાર નથી.- ધીરુભાઈ અંબાણી" For viewing our product brochure kindly click on the "Business Zone" & contact us for inquiries on Email Id :- inquiry.gsg13@gmail.com , Mobile :- 9429893515(call us between 7.00 AM to 10.00 AM or 7.00 PM to 10.00 PM)

Thursday, 4 January 2018

હાર્દિક પટેલ સુરતમાં : કોર્ટ અને પોલીસ મથકમાં હાજરી : જેલમાં બંધ કાર્યકરોને મળશે - પાસના સુપ્રીમો હાર્દિક પટેલ સામે ફરીયાદ કરવા બ્રહ્મસમાજની અરજી - દેશની અદાલતોમાં અઢી કરોડથી વધુ કેસ પેન્ડીંગ - ૨૦૦ની નોટ માટે બેંકો ATMમાં ફેરફાર કરે બેંકોને ૧૦૦૦ કરોડનો કરવો પડશે ખર્ચ - ગાંધીધામ આગઃ સૌરાષ્ટ્ર-કચ્છમાંથી સરકારે ખરીદેલી ૧ર કરોડની મગફળી રામભરોસે? તમામ જથ્થો ખાખ, જવાબદાર કોણ?

Gayatri  Freelancer Solution
( Follow Us :-  Face BookLinked InTwitterGoogle +Yahoo Group, BlogWebsite, )

Good News Gayatri Freelancer Solution Create Android App Download Chick Here Server 1, Server 2, Server 3, 

(*Free Earn Tack Time Click Here to Download App*)

ALERT: શું છે Ransomware, જાણો કેવી રીતે બચી શકો તેના એટેકથી - How to remove Ransomware using Quick Heal - Quick Heal Special Offer Dt 20/05/2017 to Dt 31/05/2017 click here to more detail

Link :- http://gayatrisolutiongroup.blogspot.in/2017/05/alert-ransomware-how-to-remove.html

હાર્દિક પટેલ સુરતમાં : કોર્ટ અને પોલીસ મથકમાં હાજરી : જેલમાં બંધ કાર્યકરોને મળશે 
રાજકોટ, તા. ૪: પાટીદાર અનામત  આંદોલન સમિતિના કન્વીનર હાર્દિક પટેલ આજે સુરતમાં કોર્ટ અને પોલીસ મથકે હાજરી આપી હતી. ખાસ કન્વીનર હાર્દિક પટેલ રાજદ્રોહ વિરૂદ્ધના કેસમાં આજે સુરત કોર્ટમાં હાજરી આપશે. આ સાથે જ હાર્દિક પટેલ અકિલા પાસ કાર્યકરો સાથે પણ મુલાકાત કરવાનો છે. ઉપરાંત બપોર બાદ લાજપોર જેલમાં કાર્યકરો સાથે મુલાકાત કરશે. ગુજરાતમાં પાટીદાર સમુદાય માટે અનામતની માંગ કરીને જોરદાર આંદોલન છેડીને દેશભરમાં ખળભળાટ મચાવનાર અકીલા પાટીદાર નેતા હાર્દિક પટેલ સામે પોલીસે રાજદ્રોહનો કેસ દાખલ કર્યો હતો. સુરતના પાટીદાર યુવાન વિપુલ દેસાઇને હાર્દિક પટેલે વિવાદિત સલાહ આપી હતી.  જેના કારણે હાર્દિક પટેલ વિરૂદ્ધ રાજદ્રોહનો કેસ કરવામાં આવ્યો હતો.

Source :-http://www.akilanews.com/Gujarat_news/Detail/04-01-2018/68190

પાસના સુપ્રીમો હાર્દિક પટેલ સામે ફરીયાદ કરવા બ્રહ્મસમાજની અરજી 
રામોલ પોલીસ સ્ટેશનમાં ફરીયાદ નોંધવા અરજી કરાઇઃ હાર્દિકની સ્પષ્ટતાવાળો વિડીયો વાયરલ આવુ કંઇ બોલ્યો નથી અમદાવાદઃ બ્રહ્મસમાજ વિરૂધ્ધ અપશબ્દો બોલવાના મામલે પાસના સુપ્રીમો હાર્દિક પટેલ સામે ફરીયાદ કરવા રામોલ પોલીસ મથકે અરજી કરાઇ છે હાર્દિક અકિલા પટેલ સામે ફરીયાદ નોંધવા માટે બ્રહ્મસમાજે અરજી કરી હતી. બ્રહ્મસમાજ વિરૂધ્ધમાં અપશબ્દો બોલવા મુદ્દે ફરીયાદ નોંધાવવા માટે અરજી કરવામાં આવી હતી અત્રે ઉલ્લેખનીય  છે કે અનામત આંદોલન  સમિતિના કન્વીરનર અકીલા હાર્દિક પટેલે બ્રહ્મસમાજને લઇ અભદ્ર ટીપ્પણી કરી છે. આ અભદ્ર ટિપ્પણી  અંગે રામોલ પોલીસ સ્ટેશનમાં ફરીયાદ કરવામાં આવી હતી. જો કે  વિડીયો દ્વારા હાર્દિક પટેલે એ વિડિયો બનાવટી ઉભો કરાયેલ અને બ્રાહ્મણોને હમેશા પુજનીય ગણાવેલ છે અને આમ છતા કોઇ દુઃખ થયું હોય તો માફી  માંગી છે.

Source :- http://www.akilanews.com/Gujarat_news/Detail/04-01-2018/68189
દેશની અદાલતોમાં અઢી કરોડથી વધુ કેસ પેન્ડીંગ 
સુપ્રિમ કોર્ટમાં ૬, હાઇકોર્ટમાં ૩૮૯ અને નીચલી અદાલતોમાં પ૯૮૪ જજોની અછત નવી દિલ્હી તા.૪ : દેશભરની અદાલતોમાં ર કરોડ ૬૦ લાખ કેસ પેન્ડીંગ છે અને ૬૦૦૦થી વધુ જજોની જગ્યાઓ ખાલી છે. અત્યારે સુપ્રિમ કોર્ટમાં ૬, હાઇકોર્ટમાં ૩૮૯ અને નીચલી અદાલતોમાં પ૯૮૪ જજોની અછત છે. અકિલા આ સિવાય ૯ હાઇકોર્ટ એવી છે કે જયાં ચીફ જસ્ટીસની પોસ્ટ ખાલી છે ત્યાં એકઝી. ચીફ જસ્ટીસ થકી કામ થઇ રહ્યુ છે તો સુપ્રિમ કોર્ટમાં આ વર્ષે ૭ વધુ જ્જ નિવૃત થઇ જશે. કેન્દ્રીય કાનૂન મંત્રાલયના રિપોર્ટ અકીલા મુજબ સુપ્રિમ કોર્ટ તરફથી આ પોસ્ટને ભરવા માટે કેન્દ્ર સરકારને કોઇ દરખાસ્ત નથી મોકલાઇ. કેન્દ્રીય રાજયમંત્રી પી.પી.ચૌધરીએ જણાવ્યુ છે કે દેશની નીચલી અદાલતોમાં જ્જોની કુલ રર૬૭૭ પોસ્ટમાંથી ર૬.૩૮ ટકા ખાલી છે પરંતુ ત્યાં હાલ ૧૬૬૯૩ જજો જ કામ કરે છે. સુપ્રિમ કોર્ટમાં કુલ ૩૧ પોસ્ટ છે જયારે દેશની ર૪ હાઇકોર્ટમાં જજોની સંખ્યા ૧૦૪૮ છે. એકલા સિક્કીમ હાઇકોર્ટમાં જજોની કોઇ પોસ્ટ ખાલી નથી ત્યાં ત્રણ જ્જ છે. ચૌધરીના કહેવા મુજબ કાનૂન મંત્રાલયે ર૦૧૬માં સુપ્રિમ કોર્ટના ચાર, હાઇકોર્ટના ૧ર૬ જ્જ અને હાઇકોર્ટના જ ૧૪ ચીફ જસ્ટીસની નિયુકિતના કોલેજીયમની દરખાસ્ત મંજુર કરી હતી જે એક દાયકાનો રેકોર્ડ છે. આ સિવાય ર૦૧૭માં સુપ્રિમ કોર્ટમાં પાંચ જ્જ, હાઇકોર્ટના ૮ ચીફ જસ્ટીસ અને હાઇકોર્ટના ૧૧પ જ્જોની નિયુકિત કરવામાં આવી હતી.

 Source :-http://www.akilanews.com/Main_news/Detail/04-01-2018/121156

૨૦૦ની નોટ માટે બેંકો ATMમાં ફેરફાર કરે બેંકોને ૧૦૦૦ કરોડનો કરવો પડશે ખર્ચ 
મુંબઇ તા.૪: RBIએ બેન્કોને તેમના ATM રિકેલિબ્રેટ કરવા આદેશ આપ્યો છે જેથી તેમાં રૂ.૨૦૦ની નોટ ભરી શકાય. નીચા મૂલ્યની નોટનો પુરવઠો વધારવા માટે ૨૦૦ની વધારે નોટ ચલણમાં આવશે તેમ બે સૂત્રોએ જણાવ્યું હતું. આરબીઆઇના આદેશનું પાલન કરવામાં અકિલા બેન્કિંગ ઉદ્યોગને એક હજાર કરોડ રૂપિયાનો ખર્ચ આવે તેવી શકયતા છે બેડ લોનના કારણે બેન્કોની સ્થિતિ પહેલેથી ખરાબ છે ત્યારે તેમણે ATMને રિકેલિબ્રેટ કરવા વધારે ખર્ચ કરવો પડશે. એક બેન્કરે કહ્યું કે અકીલા આરબીઆઇએ બેન્કો અને ATM ઉત્પાદક કંપનીઓને જણાવ્યું છે કે શકય એટલી વહેલી તકે ATMમાંથી રૂ.૨૦૦ની નોટ મળવી જોઇએ. બજારમાં ૨૦૦૦ની નોટ સામે નાની નોટની પણ જરૂર હોવાથી આ ઉપયોગી પગલું છે. આ પ્રોજેકટને સંપૂર્ણ લાગુ કરવામાં પાંચથી છ મહિના લાગી શકે છે. આ અંગે આરબીઆઇનો પ્રતિભાવ જાણવા માટે મોકલવામાં આવેલા મેઇનનો જવાબ મળ્યો ન હતો. ૨૦૧૬માં વડાપ્રધાન નરેન્દ્ર મોદીએ રૂ.૫૦૦ અને રૂ.૧,૦૦૦ની નોટ બંધ કરી ત્યારે તેનો હેતુ કાળાં નાણાંની સંગ્રહખોરી ખતમ કરવાનો હતો પરંતુ રૂ.૨૦૦૦ની નોટ બહાર પાડીને નોટબંધીનો આંખો હેતુ જ માર્યો ગયો હતો. તેના કારણે આરબીઆઇની ભારે ટીકા થઇ હતી. ગયા વર્ષથી એટીએમમાં રૂ.૨૦૦૦ની નોટ ભરવામાં આવી તેના કારણે સરેરાશ ઉપાડની રકમ વધી જતી હતી. તેમાં ઘટાડો કરવા માટે આરબીઆઇ રૂ.૨૦૦ની નોટનો ઉપયોગ કરશે. ડેટા દર્શાવે છે કે સપ્ટેમ્બર ૨૦૧૬માં એટીએમમાંથી રૂ.૨.૨૨ લાખ કરોડનો ઉપાડ થયો હતો જ્યારે સપ્ટેમ્બર ૨૦૧૭માં રૂ.૨.૪૪ લાખ કરોડ એટીએમમાંથી ઉપાડવામાં આવ્યા હતા. મોદી સરકારે મોટી નોટ્સ ચલણમાંથી પરત ખેંચી લીધી તેના કારણે બજારમાં નોટ્સની અછત હતી પરંત હવે નોટબંધી અગાઉના સ્તરથી ૯૫ ટકા સુધી કરન્સી બજારમાં પરત આવી ગઇ છે. તેનું મૂલ્ય રૂ.૧૭ લાખ કરોડ થાય છે. બેન્કો શરૂઆતમાં એટીએમમાં ફેરફાર કરતાં ખચકાતી હતી પરંતુ હવે તેમણે રૂ.૧,૦૦૦ કરોડનો ખર્ચ કરીને એટીએમ રૂ.૨૦૦ની નોટ માટે તૈયાર કરવા પડશે. આ પ્રક્રિયામાં દેશમાં ૨.૨ લાખ એટીએમને રિકેલિબ્રેટ કરવા પડશે જેમાં છ મહિના જેટલો સમય લાગશે. એટીએમ ઉદ્યોગના અગ્રણી લોની એન્ટનીએ જણાવ્યું કે રિકેલિબ્રેશનનું કામ હજુ શરૂ જ થયું છે. હિટાચી પેમેન્ટ સર્વિસિસના એમડી એન્ટનીએ જણાવ્યું કે અમારે એટીએમના કેટલાક સમૂહ શોધીને તેને કેલિબ્રેટ કરવા પડશે. આ કામ ઝડપથી કરવાનું હશે તો તેમાં ખર્ચ પણ વધારે આવશે. રિકેલિબ્રેશન પ્રક્રિયામાં સ્પેસર્સ ઇન્સ્ટોલ કરવાના રહેશે. જેથી કરન્સીની સાઇઝ એડ્જસ્ટ કરી શકાય એક અંદાજ પ્રમાણે રિકેલિબ્રેશન કરવામાં દરેક એટીએમ દીઠ પાંચ હજાર રૂપિયાનો ખર્ચ આવશે. ગયા વર્ષે જુલાઇમાં આરબીઆઇએ રૂ.૨૦૦૦ની ચલણી નોટ છાપવાનું બંધ કરીને રૂ.૨૦૦ના છાપકામ પર ધ્યાન આપ્યું હતું.

 Source :-http://www.akilanews.com/Main_news/Detail/04-01-2018/121157

ગાંધીધામ આગઃ સૌરાષ્ટ્ર-કચ્છમાંથી સરકારે ખરીદેલી ૧ર કરોડની મગફળી રામભરોસે? તમામ જથ્થો ખાખ, જવાબદાર કોણ? 
હજીયે આગ ભભૂકે છે, ૬ર હજાર ૬૯૧ બોરી મગફળી નાશ પામી, સરકાર તરફથી સંજય નંદન દોડી આવ્યા, પણ આગનાં કારણ માટે બધા જ મૌન ભુજ તા. ૪ :.. ગાંધીધામનાં કીડાણા ગામે સંઘવી વેર હાઉસના ગોડાઉનમાં લાગેલી આગે અનેક અકિલા સવાલો સજર્યા છે. આ આગમાં સૌરાષ્ટ્ર-કચ્છમાંથી સરકારે ટેકાના ભાવે ખરીદેલી ૬ર હજાર ૬૯૧ બોરી મગફળી જેની કિંમત ૧ર કરોડ થવા જાય છે. તે તમામ બળીને ખાખ થઇ ગઇ છે. આગ હજીયે ભભૂકે છે. જો કે, પરિસ્થિતિ નિયંત્રણમાં અકીલા છે. પરંતુ આગને લઇને સર્જાયેલા સવાલો શંકા સર્જી રહ્યા છે. આટલી મોટી  સંખ્યામાં મગફળીની બોરીઓ પડી હતી તેની સલામતી માટે કોઇ વ્યવસ્થા કરાઇ નહોતી. ગોડાઉનમાં સીસી ટીવી કેમેરા કે પછી અગ્નિશમન સાધનો પણ રખાયા નહોતાં. મગફળીના જથ્થાના વીમો ન હોતો. સવાલોની ભરમાર વચ્ચે સરકાર તરફથી અધિકારી સંજય નંદન ગાંધીનગરથી દોડી આવ્યા હતાં.પણ, આગનાં ારણ અંગે કચ્છ જિલ્લા વહીવટી તંત્ર, અંજાર પ્રાંત કચેરી, કેસરકારના ઉચ્ચ અધિકારીઓ  તમામે મૌન સાધી લીધું છે.

Source :-http://www.akilanews.com/Saurashtra_news/Detail/04-01-2018/79622

GetGovernment or Education Exam Material Online (GSG) Click Here 
Source :- http://www.gujaratsamachar.com, http://www.divyabhaskar.co.in/ ,
http://www.akilanews.com/
Products :- Quick Heal Antivirous, Tally, GST, Std 1 to Std 10 All Subject Total Syllabus DVD(English Medium, Gujarati Medium) -, Std 11,12 Science All Subject Total Syllabus DVD(English Medium, Gujarati Medium), Photoshop,C, C++, Java Learn in Gujarati CD, Other Software DVD,etc…Click Here to Online Test
  More Products List Click Here
Note :- Purchase any products just email inquiry.gsg13@gmail.com
Published By :-
Gayatri Solution Group
{ Jayesh Patel} (Live In :- Gujarat)
Website :- http://gayatrisolutiongroup.com/

આઝાદીના 70 વર્ષે પણ દલિતો પર અત્યાચારઃ કોરેગાંવ મુદ્દે હાર્દિક - કોરેગાંવ મુદ્દે સુરતમાં દલિત સંગઠનોએ રેલી કાઢી, રોડ પર સર્જાયો ટ્રાફિકજામ - મહારાષ્ટ્ર હિંસાનો વિરોધ જૂનાગઢમાં, શાંતિપૂર્ણ બંધ, દલિત સંગઠનોની રેલી - પુણેમાં જિજ્ઞેશ મેવાણી અને ઉમર ખાલિદ સામે FIR; મુંબઈમાં અનેકની અટકાયત - કપરાડા અને ડાંગમાં શિક્ષકોના કારણે ભાજપ હાર્યું ;ભાજપના સાંસદ કે,સી,પટેલની ધમકીથી ચકચાર

Gayatri  Freelancer Solution
( Follow Us :-  Face BookLinked InTwitterGoogle +Yahoo Group, BlogWebsite, )

Good News Gayatri Freelancer Solution Create Android App Download Chick Here Server 1, Server 2, Server 3, 

(*Free Earn Tack Time Click Here to Download App*)

ALERT: શું છે Ransomware, જાણો કેવી રીતે બચી શકો તેના એટેકથી - How to remove Ransomware using Quick Heal - Quick Heal Special Offer Dt 20/05/2017 to Dt 31/05/2017 click here to more detail

Link :- http://gayatrisolutiongroup.blogspot.in/2017/05/alert-ransomware-how-to-remove.html

આઝાદીના 70 વર્ષે પણ દલિતો પર અત્યાચારઃ કોરેગાંવ મુદ્દે હાર્દિક

રોજ કોઈને કોઈ નારાજ થાય છે ભાજપમાં ખૂબ જ નારાજગી જોવા મળી રહી છે: હાર્દિક પટેલ
સુરતઃ પાટીદાર અનામત આંદોલનના કન્વીનર હાર્દિક પટેલ સામે સુરતમાં રાજદ્રોહનો કેસ નોંધાયો હતો, આ કેસમાં આજે(ગુરૂવાર) મુદત હોય હાર્દિક કોર્ટમાં હાજર રહ્યો હતો. દરમિયાન હાર્દિકે ભીમા કોરેગાંવ અંગે જણાવ્યું હતું કે, આ ખૂબ જ દુઃખની વાત છે. દેશ આઝાદ થયાના 70 વર્ષ પછી પણ દલિતો પર અત્યાચાર એ દુઃખની વાત છે. 



ભાજપમાં ખૂબ જ નારાજગી જોવા મળી રહી છેઃ હાર્દિક

હાર્દિક પટેલે કોર્ટમાં હાજરી આપ્યા બાદ જણાવ્યું હતું કે, ચૂંટણી બાદ કોર્ટ અને ક્રાઈમ બ્રાન્ચમાં સમયસર હાજર રહ્યો છું. અને સુરતની લાજપોર જેલમાં બંધ આંદોલનકારીઓની મુલાકાતનું આયોજન કર્યું છે. ભાજપના ધારાસભ્યોમાં જોવા મળેલી નારાજગી અંગે જણાવ્યું હતું કે, કોઈ પણની સરકાર હોય 58થી 60 ખાતા હોય છે. ભાજપના 99 ધારાસભ્ય છે. સિનિયરોને ખાતા ફાળવી દેવા જોઈએ. જેથી કોઈ નારાજ ન થાય. રોજ કોઈને કોઈ નારાજ થાય છે ભાજપમાં ખૂબ જ નારાજગી જોવા મળી રહી છે.

પરેશ ધાનાણી વિરોધ પક્ષના નેતા બને તો એ ખૂબ જ સારું: હાર્દિક

કોંગ્રેસના વિરોધપક્ષના નેતાની પસંદગી અંગે જણાવ્યું હતું કે, કોંગ્રેસ પણ સારી રીતે સમજે છે કે, તમામ સમાજને સાથે રાખી ચાલવાનું હોય છે. કોંગ્રેસને આટલી સીટ મળવા પાછળ પાટીદાર અનામત આંદોલન છે. કોંગ્રેસમાંથી કોઈ યુવા નેતા, લોકોને ગમતો નેતા આવે તો સારી વાત છે. પરેશ ધાનાણી વિરોધ પક્ષના નેતા બને તો એ ખૂબ જ સારું છે. 
Source :- https://www.divyabhaskar.co.in/news/DGUJ-SUR-c-99-LCL-hardik-patel-present-in-court-about-sedition-case-hardik-say-about-bhima-koregaon-violence-NOR.html?ref=ht

કોરેગાંવ મુદ્દે સુરતમાં દલિત સંગઠનોએ રેલી કાઢી, રોડ પર સર્જાયો ટ્રાફિકજામ

સુરતના દલિત સંગઠનોએ રિંગ રોડ સ્થિત આંબેડકર પ્રતિમાથી કલેક્ટર કચેરી સુધી રેલી કાઢી
સુરતઃ મહારાષ્ટ્રના પુણેમાં ભીમા કોરેગાંવ યુદ્ધની 200મી સાલગીરી નિમિત્તે યોજાયેલા સંમેલનમાં થયેલી હિંસાની આગની જ્વાળાઓ સુરત સુધી પહોંચી ગઈ છે. મુંબઇ, ઔરંગાબાદ અને અહમદનગર સહિતનાં શહેરો બાદ સુરતના દલિત સંગઠનોએ રિંગ રોડ સ્થિત આંબેડકર પ્રતિમાથી કલેક્ટર કચેરી સુધી રેલી કાઢી હતી. અને કલેક્ટરને આવેદન પત્ર આપવા પહોંચ્યા હતા. દરમિયાન કલેક્ટર કચેરી બહાર રસ્તા પર સૂઈ જઈ નારેબાજી કરતા ભારે ટ્રાફિકજામ સર્જાયો હતો.

મહારાષ્ટ્રના સીએમના રાજીનામાની માંગ

મહારાષ્ટ્રના પુણેમાં સોમવારે ભીમા કોરેગાંવ યુદ્ધની 200મી સાલગીરી નિમિત્તે યોજાયેલા સંમેલનમાં થયેલી હિંસામાં એક વ્યક્તિનું મોત થયું હતું. જેને કારણે દલિત સંગઠનોએ મંગળવારથી મહારાષ્ટ્રના જુદા-જુદા ભાગોમાં વિરોધ પ્રદર્શન કરવાનું શરૂ કરી દીધું હતું. દલિત સંગઠનોએ સુરત ઉધના રેલવે સ્ટેશન ખાતે એક પેસેન્જર ટ્રેનને તેમજ એક માલગાડીને અટકાવી હતી. ત્યારબાદ આજે ફરી દલિત સંગઠનોએ રિંગ રોડ આંબેડકર પ્રિતમાથી કલેક્ટર કચેરી સુધી રેલી કાઢી હતી. કલેક્ટર કચેરી બહાર લોકો રસ્તા પર સૂઈ જઈ નારેબાજી કરી હતી. મહારાષ્ટ્રના સીએમના રાજીનામાની માંગ કરી દલિત સંગઠનોએ કલેક્ટરને ભીમા કોરેગાવ મુદ્દે આવેદન પત્ર પાઠવ્યું હતું.

Source :- https://www.divyabhaskar.co.in/news/DGUJ-SUR-c-99-LCL-bhima-koregaon-violence-rally-in-surat-traffic-jam-held-on-rally-root-NOR.html?ref=ht

મહારાષ્ટ્ર હિંસાનો વિરોધ જૂનાગઢમાં, શાંતિપૂર્ણ બંધ, દલિત સંગઠનોની રેલી

બંધની અસરને પગલે બસ વ્યવહાર અને પેટ્રોલપંપ સદંતર બંધ રાખવામાં આવ્યા હતા
જૂનાગઢ: મહારાષ્ટ્રના પુણે પાસે ભીમા કોંરેગાંવમાં થયેલી હિંસાની જ્વાળા ગુજરાત સુધી પહોચી ગઈ છે. બુધવારે ધોરાજીમાં દલિત સંગઠનોએ એસટી બસ સળગાવી હતી. સુરતમાં ટ્રેનો રોકવામાં આવી. વાપીમાં હાઈવે પર ચક્કાજામ કરાયો. ગુજરાતની 46 ST બસ અટકાવી દેવાઈ. ઉપલેટા, જામનગર, અમદાવાદ, ગાંધીનગરના રૂટ બંધ કરવાની ફરજ પડાઈ હતી. ત્યારે બીજા દિવસે પણ જૂનાગઢ અને ગીર સોમનાથ જિલ્લામાં તેની અસર જોવા મળી હતી. દલિત સંગઠનોએ રેલી કાઢી હતી અને સુત્રોચ્ચાર કર્યો હતો. તો બંધની અસરને પગલે બસ વ્યવહાર અને પેટ્રોલપંપ સદંતર બંધ રાખવામાં આવ્યા હતા.

ક્યાં જોવા મળી બંધની અસર
જૂનાગઢના વંથલીમાં દલિતોએ રોડ પર ચક્કાજામ કર્યો હતો. 20 મિનિટથી વધારે સમય સુધી વાહનવ્યવહારને અસર થઈ હતી. તો જૂનાગઢમાં પણ રેલી કાઢીને વિરોધ કરવામાં આવ્યો હતો. ગીર સોમનાથ જિલ્લાના વેરાવળમાં પણ ચક્કાજામ કર્યો હતો. બંધ પગલે જૂનાગઢ બસ સ્ટેન્ડ ખાલીખમ થઈ ગયું હતું અને બસો બસ ડેપોમાં જ ખડકી દેવામાં આવી હતી. જનજીવનને બંધની અસર જોવા મળી રહી છે.

 Source :-https://www.divyabhaskar.co.in/news/SAU-JUN-OMC-LCL-bhima-koregaon-riots-opposite-in-jundagadh-and-gir-somnath-gujarati-news-5784165-PHO.html?ref=ht

પુણેમાં જિજ્ઞેશ મેવાણી અને ઉમર ખાલિદ સામે FIR; મુંબઈમાં અનેકની અટકાયત

પુણે પોલીસે કુલ ગુજરાતના અપક્ષ ધારાસભ્ય જિજ્ઞેશ મેવાણી, JNUના વિદ્યાર્થી નેતા ઉમર ખાલિદ વિરૂદ્ધ FIR દાખલ કરી છે
મુંબઈ/પુણેઃ ભીમા-કોરેગાંવ યુદ્ધની વરસી પર ભડકેલી હિંસાની અસર સમગ્ર મહારાષ્ટ્રમાં જોવા મળી હતી. બુધવારે દલિત નેતા પ્રકાશ આંબેડકરની આગેવાનીમાં અનેક સંગઠનોએ રાજ્ય બંધનું એલાન કર્યુ હતું. આ દરમિયાન મુંબઈ સહિત અનેક વિસ્તારોમાં હિંસા થઈ હતી. પુણે પોલીસે કુલ ગુજરાતના અપક્ષ ધારાસભ્ય જિજ્ઞેશ મેવાણી, JNUના વિદ્યાર્થી નેતા ઉમર ખાલિદ વિરૂદ્ધ FIR દાખલ કરી છે. તો મુંબઈ પોલીસે ગુરૂવારે છાત્ર ભારતીનો કાર્યક્રમ રદ કરી અનેક લોકોની અટકાયત કરી છે. આ કાર્યક્રમમાં મેવાણી અને ખાલિદ વક્ત તરીકે હાજર રહેવાના હતા.

મેવાણી-ખાલિદ વિરૂદ્ધ કેસ

- ગુજરાતના અપક્ષ ધારાસભ્ય જિજ્ઞેશ મેવાણી અને JNUના વિદ્યાર્થી નેતા ઉમર ખાલિદ વિરૂદ્ધ કલમ 153(એ), 505, 117 અંતર્ગત પુણેમાં FIR દાખલ કરવામાં આવી છે.
- આ બંને પર પુણેમાં થયેલાં કાર્યક્રમ દરમિયાન ભડકાઉ ભાષણ દેવાનો આરોપ છે.
- મહારાષ્ટ્ર બંધ દરમિયાન બુધવારે થયેલી હિંસા પછી મુંબઈ પોલીસે દલિત નેતા જિજ્ઞેશ મેવાણી અને વિદ્યાર્થી નેતા ખાલિદને કાર્યક્રમના આયોજન માટે અનુમતી આપી ન હતી.

પોલીસે હિંસાનો હવાલો આપી કાર્યક્રમ રદ કર્યો, અનેકની કરી અટકાયત

- આ બંને નેતા વક્તા તરીકે છાત્ર ભારતીના એક કાર્યક્રમમાં હાજર રહેવાના હતા. છાત્ર ભારતનીના ઉપાધ્યક્ષ સાગર ભાલેરાવે આ અંગે જાણકારી આપી હતી. 
- સાગર ભાલેરાવે જણાવ્યું કે, "ભાઈદાસ હોલને પોતાના સંગઠનના ઓલ ઈન્ડિયા સમિટ માટે રિઝર્વ કર્યું હતું. પરંતુ પોલીસ હવે આ કાર્યક્રમમાં કોઈને જવા નથી દેતી. મુંબઈ પોલીસ હિંસાનો હવાલો આપીને કાર્યક્રમને રદ કરી દીધો છે."
- મુંબઈ પોલીસે કાર્યક્રમ સ્થળ પર પહોંચેલા લોકોને અંદર જતાં રોક્યા હતા ત્યારે વિદ્યાઓ દ્વારા ભારે સૂત્રોચ્ચારો પણ થયા હતા અને લોકો પરાણે અંદર જવાના પ્રયાસ કરતા હતા.
- આ દરમિયાન પોલીસ અને વિદ્યાર્થીઓમાં ઘર્ષણ પણ થયું હતું. પોલીસે સાવચેતીના ભાગરૂપે અનેકની અટકાયત પણ કરી છે. 
- મુંબઈ પોલીસનું કહેવું છે કે, "આ લોકોએ કલમ 144નું ઉલ્લંઘન કર્યું હતું અને તેથી તેઓની અટકાયત કરવામાં આવી છે."
મેવાણીએ પીએમ મોદી પર કર્યા હતા વાકપ્રહાર

- જિજ્ઞેશ મેવાણીએ 31 ડિસેમ્બરનાં રોજ ભીમા-કોરેગાવમાં આપેલાં એક ભાષણમાં પીએમ મોદી વિરૂદ્ધ તીખા શબ્દોમાં નિંદા કરી હતી.
- મેવાણીએ કહ્યું હતું કે, "ગુજરાત પછી સમગ્ર દેશમાં આપણે 56 ઈંચની છાતીને ફાડીને રાખી દઈશું. આ દેશના વડાપ્રધાન જ્યારે ગુજરાતના મુખ્યમંત્રી હતા ત્યારે તેઓએ 'કર્મયોગી' પુસ્તક લખ્યું હતું. જેમાં તેઓએ કહ્યું હતું કે સફાઈકર્મીઓને સફાઈ કરવામાં આધ્યાત્મિક આનંદ મળે છે. આ જ નવ પેશવાઇ છે. હું પીએમને આહ્વાન કરૂ છું કે તેઓ અહીં આવે અને દલિતોની સાથે એક દિવસ ગટરમાં ઉતરીને નવી પેશવાઇનો આનંદ લે."
શું છે સમગ્ર મામલો

- આ પૂરો વિવાદ 1લી જાન્યુઆરી, 1818નાં રોજ થયેલાં તે યુદ્ધને લઈને છે જેમાં અંગ્રેજો અને પેશવા બાજીરાવ બીજા વચ્ચે કોરેગાંવ ભીમાં લડાઈ થઈ હતી.
- આ યુદ્ધમાં અંગ્રેજોએ પશવાને હરાવ્યાં હતા જેમાં સૌથી મહત્વપૂર્ણ વાત તે હતી કે ઇસ્ટ ઈન્ડિયાની સેનામાં મોટા ભાગના લોકો દલિત હતા.
- આ યુદ્ધમાં જીતનો જશ્ન મનાવવા માટે દલિત જૂથ દ્વારા પુણેમાં એક કાર્યક્રમનું આયોજન કરાયું હતું જે મુદ્દે વિવાદ થયો હતો.
- દલિત અને મરાઠા જૂથનાં લોકો આમનેસામને આવી ગયા હતા. આ કાર્યક્રમમાં જ જિજ્ઞેશ મેવાણી અને ઉમર ખાલિદે ભાષણ આપ્યું હતું. 
- સોમવારે પુણેથી ભડકેલી હિંસાની આગ મંગળવારે મુંબઈ સહિત રાજ્યના અને વિસ્તારોમાં ફેલાઈ હતી. દલિત અને હિંદુવાદી સંગઠનો આમને સામને આવી ગયા હતા.
- મુંબઈ પોલીસના પીઆરઓએ કહ્યું હતું કે અનેક વિસ્તારોમાંથી 100થી વધુ લોકોની અટકાયત કરવામાં આવી છે.
 Source :-https://www.divyabhaskar.co.in/news/NAT-HDLN-pune-policer-registerd-fir-against-jignesh-mevani-and-umar-khalid-gujarati-news-5784181-PHO.html?ref=ht

કપરાડા અને ડાંગમાં શિક્ષકોના કારણે ભાજપ હાર્યું ;ભાજપના સાંસદ કે,સી,પટેલની ધમકીથી ચકચાર પારડીના કાર્યક્રમમાં શિક્ષકોને જોઈ લેવા કાર્યકરોને સૂચના ;સાંસદની ખુલી ધમકીને લઈને યોગ્ય કાર્યવાહી કરવા ધારાસભ્યની માંગ અમદાવાદ : રાજ્યમાં પાતળી બહુમતીથી ભાજપની છઠ્ઠી વખત સરકાર બની છે ત્યારે ભાજપના લક્ષ્યાંક કરતા અકિલા ઓછી બેઠક આવતા અને હાર માટે કોઈને નિમિત્ત માનીને ભાજપના નેતાઓ હિસાબ કરવા લાગ્યા હોવાનું ભાજપના સાંસદની ભાષા પરથી જણાઈ રહયું છે ભાજપના સાંસદ કે.સી. પટેલે પોતાના જિલ્લાના શિક્ષકોને ખુલ્લી ધમકી અકીલા આપી છે. પારડી ખાતે યોજાયેલા ભાજપના એક કાર્યક્રમ દરમિયાન સાંસદે જાહેર મંચ પરથી પોતાના કાર્યકર્તાઓને સૂચના પણ આપી હતી કે જ્યાં પણ શિક્ષકો નોકરી કરી રહ્યા હોય ત્યાં તેમને જોઈ લો.કારણ કે, શિક્ષકોના કારણે જ કપરાડા અને ડાંગમાં ભાજપની હાર થઈ છે બીજી તરફ સાંસદની આ ધમકીનો કોંગ્રેસ દ્વારા વિરોધ કરાયો છે કપરાડાના ધારાસભ્ય જિતુ ચૌધરીએ આ ખુલ્લી ધમકીને લઈને યોગ્ય કાર્યવાહી કરવામાં આવે તેવી માગ કરી છે.

Source :-http://www.akilanews.com/Gujarat_news/Detail/04-01-2018/68187

GetGovernment or Education Exam Material Online (GSG) Click Here 
Source :- http://www.gujaratsamachar.com, http://www.divyabhaskar.co.in/ ,
http://www.akilanews.com/
Products :- Quick Heal Antivirous, Tally, GST, Std 1 to Std 10 All Subject Total Syllabus DVD(English Medium, Gujarati Medium) -, Std 11,12 Science All Subject Total Syllabus DVD(English Medium, Gujarati Medium), Photoshop,C, C++, Java Learn in Gujarati CD, Other Software DVD,etc…Click Here to Online Test
  More Products List Click Here
Note :- Purchase any products just email inquiry.gsg13@gmail.com
Published By :-
Gayatri Solution Group
{ Jayesh Patel} (Live In :- Gujarat)
Website :- http://gayatrisolutiongroup.com/

Monday, 16 October 2017

આગામી ચૂંટણીમાં ભાજપના પ્રધાનો કે ધારાસભ્યોને ગામમાં પ્રવેશબંધી કરવા હાર્દિક પટેલનું એલાન - મોદી વિજય અભિયાનનો શંખ ફુંકશેઃ ઐતિહાસિક સંમેલનને સંબોધન - 'ગાંડા વિકાસની છેલ્લી દિવાળી' વાઇરલ થયું - વેપારીઓ આનંદો... GSTના પડતર પ્રશ્નો ઝડપથી ઉકેલાશે

Gayatri  Freelancer Solution
( Follow Us :-  Face BookLinked InTwitterGoogle +Yahoo Group, BlogWebsite, )

Good News Gayatri Freelancer Solution Create Android App Download Chick Here Server 1, Server 2, Server 3,

(*Free Earn Tack Time Click Here to Download App*)

ALERT: શું છે Ransomware, જાણો કેવી રીતે બચી શકો તેના એટેકથી - How to remove Ransomware using Quick Heal - Quick Heal Special Offer Dt 20/05/2017 to Dt 31/05/2017 click here to more detail

Link :- http://gayatrisolutiongroup.blogspot.in/2017/05/alert-ransomware-how-to-remove.html

આગામી ચૂંટણીમાં ભાજપના પ્રધાનો કે ધારાસભ્યોને ગામમાં પ્રવેશબંધી કરવા હાર્દિક પટેલનું એલાન
સરકારને જનમેદની એકત્ર કરવા ૮૦૦ બસ લાવવી પડે અને ફુડ પેકેટ આપવા પડે, અહીં સ્વૈચ્છીક રીતે લોકો ઉમટયાઃ લલીત વસોયા - ભાયાવદરમાં પાસ દ્વારા રોડ-શો સભા
આગામી ચૂંટણીમાં ભાજપના પ્રધાનો કે ધારાસભ્યોને  ગામમાં પ્રવેશબંધી કરવા હાર્દિક પટેલનું એલાન
      ભાયાવદર, તા. ૧૬ :. શનિવારે ભાયાવદરમાં હાર્દિક પટેલનો રોડ શો અને સંકલ્પ સભા યોજાઈ હતી. હાર્દિક પટેલ સહીત સમગ્ર ગુજરાત તેમજ સૌરાષ્ટ્ર પાસની ટીમનું બપોરે ૩ કલાકે આગમન થતા જાગનાથ મંદિર પાસે કુમ કુમ તિલક કરીને ભવ્ય સ્વાગત કરેલ. ત્યાર બાદ ૧૦,૦૦૦ જેટલા અભૂતપૂર્વ પાટીદાર ભાઈ-બહેનોની હાજરી સાથે જય સરદાર - જય પાટીદારના નારા સાથે ડી.જે. સથવારે રોડ શો ભાયાવદર શહેરના મુખ્ય માર્ગ ઉપરથી પસાર થયેલ. રોડ શો દરમ્યાન હાર્દિક પટેલની અભિવાદન યુવાનો, વડીલો તેમજ બહેનોએ કર્યુ હતું.
      જૂના બસ સ્ટેન્ડ ચોકમાં આવેલ સરદાર વલ્લભભાઈની પ્રતિમાને ફુલહાર કરીને જય સરદારના નારા લગાવ્યા હતા.
      રોડ શો પટેલનગરમાં પહોંચેલ કે, જ્યાં સંકલ્પ સભા યોજાયેલ હતી. આ સભામાં હાર્દિક પટેલ, લલીતભાઈ વસોયા, વરૂણ પટેલ, મનોજભાઈ પનારા, નયનભાઈ જીવાણી તેમજ વલ્લભભાઈ માકડીયા, રેખાબેન સીણોજીયા તેમજ ઉપલેટા, કોલકી, મોટી પાનેલી, જામજોધપુર, લાલપુર સહિતની પાસની ટીમે હાજરી આપેલ હતી.
      આ સંકલ્પ સભામાં ભાયાવદરની જુદી જુદી જ્ઞાતિના આગેવાનો, સામાજીક સંસ્થાના હોદેદારોએ હાર્દિક પટેલનું હારતોરાથી અભિવાદન કરેલ હતું.
      આ સંકલ્પ સભામાં વરૂણ પટેલ, માનોજભાઇ પનારાએ આવનારી ચૂંટણીમાં ભાજપને સબ આપવા હાકલ કરેલ હતી.
      સૌરાષ્ટ્ર પાસના કન્વીનર લલીતભાઇ વસોયાએ જણાવેલ કે સરકારને આટલી મેદની ભેગી કરવા માટે ૮૦૦ બસની જરૂર પડે અને ફુડ પેકેટ આપવા પડે તો પણ આટલી મેદની ન આવે ત્યારે અહીંયા તો સમગ્ર પાટીદાર સમાજ સ્વેચ્છીક રીતે આવેલ છે અને આવી જ એકતા જાળવવા જણાવેલ હતું.
      હાર્દિક પટેલે પોતાના આગવી શૈલીમાં જય સરદાર જય પાટીદારના નારા સાથે શરૂઆત કરેલ તેમને જણાવેલ કે આગામી ચૂંટણી દરમ્યાન ગમે તેવા પ્રલોભનો આવે તો પણ આપણી પાટીદાર સમાજની એકતા તૂટવી ન જોઇએ અને અનામત નહિ આપે તો ભાજપને હરાવીને જ જંપશું એવો હુંકાર કરેલ હતો.
      તેમણે જણાવેલ કે સરકારમાં બેઠેલ આપણા ૪૪ બાઘડ બીલ્લાઓને કોઇ જ અવાજ ઉઠાવી શકતા નથી આ લોકોને મુળમાંથી ઉખેડીને ફેંકી દેવા જણાવેલ.
      હાર્દિક પટેલે જણાવેલ કે આગામી ચૂંટણી દરમ્યાન ભાજપના પ્રધાનો કે ધારાસભ્યોને ગામમાં પ્રવેશ બંધી કરવી એવો હુંકાર કરતા જનમેદનીએ વધાવી લીધેલ હતી.
      બહેનોની વિશાળ હાજરીને આહવાન કરેલ કે ફરીથી થાળી, વેલણ તૈયાર કરી રાખજો અને આ વેલણનો ઉપયોગ છોકરાઓને મારવા માટે નહિ દુશાસન કરનાર શાસકો સામે ઉગાવવા હાકલ કરી હતી.
      સમગ્ર સભા દરમ્યાન જય સરદાર-જય પાટીદારના નારા સતત ચાલુ રહ્યા હતાં. આભારવિધી રાજકોટ જીલ્લા પાસના સહુ કન્વીનર નયનભાઇ જીવાણીએ કરી હતી.
Source :- http://www.akilanews.com/16102017/saurashtra-news/1508134173-75947
મોદી વિજય અભિયાનનો શંખ ફુંકશેઃ ઐતિહાસિક સંમેલનને સંબોધન
બપોર બાદ ગાંધીનગરના ભાટ ખાતે પેજ પ્રમુખોનું મહાસંમેલનઃ પીએમ, ભાજપ અધ્યક્ષ એક મંચ ઉપરઃ કાર્યક્રમમાં ૭ લાખ કાર્યકરો ઉપસ્થિત રહેશેઃ પેજ પ્રમુખોના ગૌરવ મહાસંમેલન થકી શકિતના મહાયુધ્ધનો શંખનાદ ફુંકશેઃ ભાજપને આશીર્વાદ આપવા બદલ હું પ્રજા સમક્ષ નત મસ્તક છું: પ્રવાસ પુર્વે મોદીનું ટવીટ્
મોદી વિજય અભિયાનનો શંખ ફુંકશેઃ ઐતિહાસિક સંમેલનને સંબોધન
   નવી દિલ્હી તા.૧૬ : ગુજરાતમાં યોજાનારી વિધાનસભાની ચૂંટણીનો જંગ જીતવા ભાજપે પુરેપુરી તાકાત લગાવી છે. ચૂંટણી આચારસંહિતા લાગુ પડે તે પહેલા પીએમ મોદી આજે પ્રજાને ભાજપ તરફ ખેંચવાનો અંતિમ પ્રયાસ કરશે. આજે તેઓ બપોરબાદ ગાંધીનગર નજીકના ભાટ ખાતે ગુજરાત ગૌરવ યાત્રા સમાપન સંમેલનને સંબોધન કરશે. ભાજપનો દાવો છે કે સાત લાખ કાર્યકરો તેમાં ભાગ લેશે. ભાજપનું કહેવુ છે કે આટલી મોટી સંખ્યામાં કાર્યકરો આ પહેલા કોઇ પક્ષની રેલીમાં એકઠા થયા નથી તેથી તે ઐતિહાસિક રહેશે. આ દરમિયાન ગુજરાતના સીએમ વિજય રૂપાણી, ભાજપના અધ્યક્ષ શાહ અને અન્ય નેતાઓ હાજર રહેશે. પીએમ મોદીએ આજે ગુજરાતની મુલાકાત પુર્વે ટવીટ્ કર્યુ છે કે ગુજરાતની ગૌરવ યાત્રાઓમાં જનશકિતનો ઉત્સાહ જોવા મળ્યો છે અને વિકાસ તથા સુશાસનની રાજનીતિમાં ગુજરાતનો દ્રઢ વિકાસ છલકયો છે. દાયકાઓ સુધી ભાજપને આશીર્વાદ આપવા માટે હું ગુજરાતના લોકો સમક્ષ નત મસ્તક છું. અમે સંપુર્ણ શકિત અને પુરૂષાર્થથી દરેક ગુજરાતીઓના સપના પુરા કરશુ.
   આજે બપોરે ૩ વાગ્યે આ સંમેલન શરૂ થવાનુ છે. ભાજપના પ્રદેશ અધ્યક્ષ વાઘાણીના કહેવા મુજબ આયોજન સ્થળે ૧૦ લાખ લોકોની વ્યવસ્થા કરી છે.
   ગુજરાત વિધાનસભાની ચૂંટણીની હવે મુખ્ય ચૂંટણી પંચ ગમે ત્યારે જાહેરાત કરી શકે એવી દ્યડીઓ ગણાઇ રહી છે. તેને અનુલક્ષીને આજે વડાપ્રધાન મોદી અને ભાજપના રાષ્ટ્રીય અધ્યક્ષ શાહ એક મંચ ઉપરથી સાત લાખ પેઇજ પ્રમુખોના ગૌરવ મહાસંમેલન થકી ચૂંટણીના મહાયુદ્ઘનો શંખનાદ ફૂંકયો છે. બન્ને રાષ્ટ્રીય નેતાઓ પહેલી વખત એક મંચ ઉપરથી રાજયની જનતાને એક સ્પષ્ટ સંદેશો આપી રહ્યા છે.
   ગાંધીનગર-અમદાવાદ વચ્ચે આવેલા ભાટ ટોલ નાકા પાસે પાંચ લાખ ચોરસ મીટર વિસ્તારમાં આજે બપોરે ૩ વાગ્યે ગૌરવ મહાસંમેલનને સંબોધવા માટે પીએમ મોદી બપોરે અમદાવાદ આવ્યા છે અને ત્યાંથી જ સીધા નવી દિલ્હી પરત ફરનાર છે. આ મહાસંમેલનમાં પ્રભારી અને રાષ્ટ્રીય મહામંત્રી ભુપેન્દ્ર યાદવ, સીએમ વિજયભાઇ રૂપાણી, ડેપ્યૂટી સીએમ નીતિનભાઇ પટેલ, પ્રમુખ જીતુભાઇ વાદ્યાણી, પૂર્વ મુખ્યપ્રધાન આનંદીબહેન પટેલ ઉપરાંત અન્ય આગેવાનો કાર્યકરોને માર્ગદર્શન આપશે. મહાસંમેલન એ ચૂંટણીની જાહેરાત થાય એ પૂર્વેનું ભાજપનું શકિત પ્રદર્શન માનવામાં આવી રહ્યું હોવાથી આજે બપોરે ભાજપ અધ્યક્ષ અમિત શાહે ત્રણેક કલાક સુધી પ્રમુખ જીતુ વાદ્યાણી, પૂર્વ મુખ્યમંત્રી આનંદીબહેન પટેલ, પ્રદેશ પ્રભારી ભુપેન્દ્ર યાદવ સહિતના આગેવાનો સાથે સમીક્ષા બેઠક યોજી હતી.
   નરેન્દ્રભાઇ મોદી ૨૨-૨૩ ઓકટોબરે ફરી ગુજરાતમાં
   વડાપ્રધાન નરેન્દ્રભાઇ મોદીનો ૧૭ ઓકટોબરનો કાર્યક્રમ મોકૂફ રહ્યા પછી હવે તેમનો દિવાળી પછી તુરંત જ બે દિવસનો કાર્યક્રમ તૈયાર થઇ રહ્યો છે. ૨૨મીએ  વડોદરામાં ત્રણેક મોટા કાર્યક્રમોમાં હાજરી આપશે. ૨૩મીએ ભાવનગરમાં રો-રો ફેરી સર્વિસનું લોકાર્પણ કરી પરત ફરશે. સંભવતૅં એ જ દિવસે સાંજે ચૂંટણી પંચ ગુજરાતની ચૂંટણી જાહેર કરી શકે છે. જો કે મળતી વિગત મુજબ ર૪ કે રપ અથવા રજી નવેમ્બર પછી તારીખો જાહેર થાય તો નવાઇ નહી. આમ, પીએમના કાર્યક્રમને લીધે પ્રદેશ પાર્લામેન્ટરી બોર્ડની બેઠક ૨૨ને બદલે ૨૪મીથી શરૂ થશે.
   બે  તબક્કે  ગૌરવ યાત્રા ૧૩૯ મતવિસ્તારમાં ફરી
   પ્રદેશ પ્રમુખ જીતુભાઇ વાદ્યાણીએ એક પત્રકાર પરિષદમાં જણાવ્યું હતું કે, રાષ્ટ્રીય અધ્યક્ષ અમિતભાઇએ પ્રારંભ કરાવેલી બે ચરણની ગુજરાત ગૌરવ યાત્રા ૪૪૭૧ કિલોમીટરનો પ્રવાસ કરી ૧૩૯ વિધાનસભા મતવિસ્તારોને આવરી લઇને ગઇકાલે પૂરી થઇ છે. આ યાત્રાઓ દરમિયાન ૧૧૯ સભાઓ તેમણે અને નાયબ મુખ્યપ્રધાન નીતિનભાઇ પટેલે સંબોધી હતી.
   ભાજપની યાત્રાને સમગ્ર રાજયમાં વ્યાપક આવકાર મળ્યો છે. છેક બુથ લેવલના સંગઠનના કાર્યકરો ચૂંટણીમાં ભાજપને ૧૫૦ પ્લસ બેઠકો પર વિજય માટે સંપૂર્ણ સક્રિય થઇ ચૂકયા છે તેવું સ્પષ્ટ જણાય છે એની સાથોસાથ જનતા પણ ભાજપના શાસનમાં થયેલા વિકાસ અને ભાજપ જ વિકાસ કરી શકે છે એ વિશ્વાસ સાથે પુનૅં એક વખત સાથ આપવાનું મન બનાવી ચૂકી છેSource :- http://www.akilanews.com/16102017/main-news/1508127363-116044

'ગાંડા વિકાસની છેલ્લી દિવાળી' વાઇરલ થયું
કોંગ્રેસે ૪ વિડિયો અને ૩૦ પોસ્ટર રીલીઝ કર્યા
   અમદાવાદ તા. ૧૬ : રાજયમાં વિધાનસભાની ચૂંટણી પહેલાં ભાજપ અને કોંગ્રેસ વચ્ચે સાઈબર વોર ખેલાઈ રહ્યું છે. જેમાં 'વિકાસ ગાંડો થયો છે'નું સ્લોગન સુપર-ડુપર 'હીટ'સાબિત થયું છે. કોંગ્રેસને આ સ્લોગને અપાવેલી પ્રસિદ્ઘિ સોશિયલ મીડિયાના અત્યારસુધીના ઈતિહાસમાં અજોડ ગણાય તેવી છે. આ સ્લોગનની સફળતાને પગલે કોંગ્રેસે હવે ભાજપ સામેના આ સાઈબર વોરને વધુ તેજ બનાવતાં 'ગાંડા વિકાસની છેલ્લી દિવાળી'નામથી ૪ વીડિયો અને ૩૦ પોસ્ટર રિલીઝ કર્યા છે.
   શનિવારે રિલીઝ કરાયેલાં આ કેમ્પેઈનના ચોટદાર સંવાદોએ એક જ દિવસમાં ટ્વિટર, વોટ્સએપ અને ફેસબુક પર એવી ધૂમ મચાવી કે, સમગ્ર દિવસ દરમિયાન સમગ્ર દેશમાં સોશિયલ મીડિયામાં તેને ટોપ ટ્રેન્ડમાં સ્થાન મળ્યું હતું. ભાજપના 'અડીખમ ગુજરાત, હું છું. વિકાસ'સામે કોંગ્રેસ આગામી સોમવારે 'હું છું શાણું ગુજરાત, હું જાણું છું ગાંડો વિકાસ'ની થીમ પર નવા ૮ વીડિયો રિલીઝ કરશે.
   એક સમયે ચૂંટણી દિવાલ પર સૂત્રો લખીને, પડદા-પોસ્ટર બાંધીને લડાતી હતી પરંતુ છેલ્લા ૧૦ વર્ષમાં ટેકનોલોજીમાં આવેલી ક્રાંતિને કારણે હવે આ લડાઈ મોબાઈલ ફોન, વોટ્સએપ, ટ્વિટર, ફેસબુક જેવા પ્લેટફોર્મ પર લડાઈ રહી છે. દેશમાં ૨૦૧૪માં યોજાયેલી લોકસભાની ચૂંટણી સુધી સોશિલય મીડિયાની આ તાકાતનો કોઈને અંદાજ આવ્યો ન હતો પરંતુ રાજયના તત્કાલિન મુખ્યપ્રધાન અને હાલના વડાપ્રધાન નરેન્દ્ર મોદીએ ટેકનોલોજીની આ ક્રાંતિનો ભરપૂર ઉપયોગ કરીને યુવાનોને ભાજપ તરફ આકર્ષવાનો ઈતિહાસ રચી દીધો હતો અને સોશિયલ મીડિયાની આ તાકાતને ભલભલા ચમરબંધીઓએ સ્વીકારવી પડી હતી.
   સોશિયલ મીડિયાની આ ક્ષમતાને પારખીને કોંગ્રેસે આ વખતે ભાજપ સામે ચૂંટણીમાં સોશિયલ મીડિયા મુખ્ય શસ્ત્ર બનાવીને ભાજપને ભીંસમાં મૂકી દીધું છે. 'વિકાસ ગાંડો થયો છે, મારા હાળા છેતરી ગયા,' જેવા સ્લોગન બાદ હવે કોંગ્રેસે ભાજપના અહંકાર, અન્યાય અને ખોટા વચનોને આધાર બનાવીને 'છેલ્લી દિવાળી'નું સૂત્ર વહેતુ કર્યું છે.
   રાજયમાં વિધાનસભાની ચૂંટણી જાહેર થવાની ઘડીઓ ગણાય રહી છે ત્યારે ભાજપે ગુજરાતમાં ગૌરવ યાત્રા થકી પ્રચાર માટે રાજસ્થાન, ઉત્ત્।રપ્રદેશ સહિતના જુદા જુદા રાજયોના મુખ્યપ્રધાનો અને કેન્દ્રીય પ્રધાનોને મેદાનમાં ઉતાર્યા છે. વડાપ્રધાન નરેન્દ્ર મોદી આગામી સપ્તાહે ગુજરાતની મુલાકાતે આવવાના છે ત્યારે ભાજપના નેતાઓને ચૂંટણી ટાણે ગુજરાત કેમ યાદ આવ્યું છે તેની યાદ અપાવવા કોંગ્રેસની આઈટી સેલે 'ગાંડા વિકાસની છેલ્લી દિવાળી'માં વ્યકત કર્યા છે. કોંગ્રેસના ઓલ ઈન્ડિયાના મીડિયા કો-ઓર્ડિનેટર રોહન ગુપ્તા આક્ષેપ કરતા કહે છે કે, કેન્દ્રમાં કોંગ્રેસની શાસન હતી ત્યારે ગુજરાત ભાજપે કેન્દ્રના અન્યાયની બૂમો પાડીને કોંગ્રેસને બદનામ કરી હતી અને અનેક ચૂંટણી વચનો આપ્યા હતા પરંતુ એ આજ સુધી કાગળ પર જ રહ્યા છે.
   ભાજપ જૂના વચનો સાથે નવેસરથી વચનોની લહાણી કરીને છેતરવા નીકળ્યા હોવાની લાગણી ગુજરાતની જનતામાં પ્રવર્તી રહી છે. અમે લોકોની આ લાગણીને વાચા આપવા અગાઉ 'મારા હાળા છેતરી ગયા'નું સ્લોગન વહેતુ કર્યું હતું.
   પ્રજાએ જાણે પોતાની લાગણીનો પડઘો પડ્યો હોય તેવી રીતે આ સ્લોગનોને આવકાર્યા છે તેથી અમે નાગરિકોના મનમાં ઘર કરી ગયેલી આવી ભાવનાને સોશિયલ મીડિયામાં વાચા આપી રહ્યા છીએ અને તેથી જ અમારા નવા સ્લોગનો સમગ્ર દેશમાં ટોપમાં 'ટ્રેન્ડ'થઈ રહ્યા છે.
 Source :-http://www.akilanews.com/16102017/gujarat-news/1508129511-64776
વેપારીઓ આનંદો... GSTના પડતર પ્રશ્નો ઝડપથી ઉકેલાશે
ગુજરાતમાં બે પક્ષ વચ્ચે સ્પર્ધા, ત્રીજા રાજકીય પક્ષને કોઇ સ્થાન નથીઃ ભાજપ અધ્યક્ષ
વેપારીઓ આનંદો... GSTના પડતર પ્રશ્નો ઝડપથી ઉકેલાશે
   નવી દિલ્હી તા. ૧૬ : ભાજપના રાષ્ટ્રીય અધ્યક્ષ અમિતભાઇ શાહે રવિવારે સાંજે ઇન્ડિયા ટીવી ન્યૂઝ ચેનલના ચુનાવ મંચ કાર્યક્રમમાં પ્રશ્નોત્ત્।રી દરમિયાન જણાવ્યું હતું કે, જીએસટીનો મુખ્ય હેતુ વ્યાપારીઓને હેરાન કરવાનો નહિ પરંતુ દેશના અર્થતંત્રને વેગવંતુ બનાવવાનો છે.
   ચેનલના એડિટર રજત શર્માએ પુછેલા એક પ્રશ્નના પ્રત્યુત્તરમાં અમિતભાઇએ જણાવ્યું હતું કે, જીએસટી અંગે વેપારીઓને પડતી હાલાકી સંદર્ભે કેન્દ્ર સરકારે ફીડબેક મેળવ્યા હતા, એક સમિતિએ દેશના તમામ વર્ગના વેપારીઓ, લઘુ ઉદ્યોગના પ્રતિનિધિઓ, કોન્ટ્રાકટરો તથા કોર્પોરેટ ગૃહો સાથે તેઓની સમસ્યા અંગે ચર્ચા કરી હતી અને મહદઅંશે આ સમસ્યાઓ ઉકેલવા માટેની જાહેરાતો ગત સપ્તાહે મળેલી જીએસટી કાઉન્સિલની બેઠક બાદ કરાઇ હતી. હજુ ત્રણ ચાર પડતર મુખ્ય માગણીઓ અંગે રજૂઆતો મળી છે એ અંગેનો નિર્ણય સંભવતઃ આગામી ૧૯-૨૦ ઓકટોબરના રોજ મળનારી સમિતિની બેઠકમાં લેવાશે.
   ટૂંકમાં જીએસટી અંગેના વ્યાજબી ઉકેલનો સંકેત આપતા અમિતભાઇએ વેપારીઓને અને ઉપસ્થિત નાગરિકોને એક સવાલ પૂછ્યો હતો કે, શું માત્ર ટેકસ પ્રણાલીથી જ સારો વહીવટ ચાલી શકે? શું ગુજરાતની જનતા સારી કાનૂન વ્યવસ્થા, ભ્રષ્ટાચાર મુકત અને કરફયુમુકત ગુજરાત નથી ઇચ્છતું?
   તેમણે ઉમેર્યું હતું કે, ભાજપના શાસનમાં ગુજરાતમાં કાનૂન અને વ્યવસ્થા સુપેરે જળવાઇ છે પરિણામે વ્યાપાર અને ઉદ્યોગનો વિકાસ થયો છે. શંકરસિંહ વાઘેલાના જનવિકલ્પના કારણે ચૂંટણીમાં ભાજપને ફાયદો થશે કે નુકસાન એવા પ્રશ્નના ઉત્તરમાં અમિત શાહે જણાવ્યું હતં કે, ગુજરાતમાં માત્ર બે જ મુખ્ય રાજકીય પક્ષો વચ્ચે સ્પર્ધા રહે છે. અન્ય રાજકીય પક્ષોનું કોઇ ખાસ વજુદ હોતું નથી.
   બુલેટ ટ્રેન પ્રોજેકટથી શુ ભાજપને ફાયદો મળશે એવા અન્ય એક સવાલના જવાબમાં તેમણે ઉમેર્યું હતું કે, ભાજપે ગુજરાતમાં બુલેટ ટ્રેન સહિત વિકાસના અનેક કામો કર્યા છે અને પ્રોજેકટ્સ શરૂ કર્યા છે તેનો લાભ ભાજપને જરૂર મળશે.

 Source :-http://www.akilanews.com/16102017/main-news/1508129713-116049
 
GetGovernment or Education Exam Material Online (GSG) Click Here 
Source :- http://www.gujaratsamachar.com, http://www.divyabhaskar.co.in/ ,
http://www.akilanews.com/
Products :- Quick Heal Antivirous, Tally, GST, Std 1 to Std 10 All Subject Total Syllabus DVD(English Medium, Gujarati Medium) -, Std 11,12 Science All Subject Total Syllabus DVD(English Medium, Gujarati Medium), Photoshop,C, C++, Java Learn in Gujarati CD, Other Software DVD,etc…Click Here to Online Test
  More Products List Click Here
Note :- Purchase any products just email inquiry.gsg13@gmail.com
Published By :-
Gayatri Solution Group
{ Jayesh Patel} (Live In :- Gujarat)
Website :- http://gayatrisolutiongroup.com/

Thursday, 12 October 2017

માત્ર લોલીપોપ આપે છે સરકારઃ પાટીદાર સામે ૧૪૦૦ કેસ છે અને પાછા ખેંચાશે માત્ર ૧૭૮ - રોજીંદા વપરાશની ૧૦૦ જેટલી ચીજવસ્તુઓ પરનો GST ઘટશે - ગુજરાતમાં ૧૮ વર્ષ બાદ મોદી વગર લડાશે ચૂંટણીઃ વિકાસ અને વિકાસના એન્કાઉન્ટર વચ્ચે જંગ

Gayatri  Freelancer Solution
( Follow Us :-  Face BookLinked InTwitterGoogle +Yahoo Group, BlogWebsite, )

Good News Gayatri Freelancer Solution Create Android App Download Chick Here Server 1, Server 2, Server 3,

(*Free Earn Tack Time Click Here to Download App*)

ALERT: શું છે Ransomware, જાણો કેવી રીતે બચી શકો તેના એટેકથી - How to remove Ransomware using Quick Heal - Quick Heal Special Offer Dt 20/05/2017 to Dt 31/05/2017 click here to more detail

Link :- http://gayatrisolutiongroup.blogspot.in/2017/05/alert-ransomware-how-to-remove.html

માત્ર લોલીપોપ આપે છે સરકારઃ પાટીદાર સામે ૧૪૦૦ કેસ છે અને પાછા ખેંચાશે માત્ર ૧૭૮
પાસનો સનસનીખેજ આરોપઃ જે કેસ જાહેરનામાના ભંગના છે તે જ પાછા ખેંચાશેઃ ગંભીર કહી શકાય તેવા કેસ અંગે કોઇ ફોડ પાડવામાં આવ્યો નથીઃ હાર્દિક પટેલ કહે છે કે, સરકારની જાહેરાત ચૂંટણી લક્ષીઃ નિર્દોષ લોકો સામેના કેસ પાછા ખેંચવા જોઇએ
   નવી દિલ્હી તા.૧૩ : ગુજરાતના નાયબ મુખ્યમંત્રી નીતિનભાઇ પટેલે ગઇકાલે પાટીદાર અનામત આંદોલન દરમિયાન કરવામાં આવેલા કેસ પાછા ખેંચવાની જાહેરાત કરી હતી. જેને પાસએ લોલીપોપ ગણાવી છે. પાસનું કહેવુ છે કે પાટીદારો સામે ૧૪૦૦ કેસ છે જેમાંથી માત્ર ૧૭૮ કેસ પાછા ખેંચાશે. પાસના અગ્રણી હાર્દિક પટેલે કહ્યુ છે કે, કોઇ કેસ પાછા ખેંચાયા નથી. સરકાર ચૂંટણી લક્ષી જાહેરાતો જ કરે છે. સરકારે સમાજ માટે યોગ્ય નિર્ણય લેવો જોઇએ. સરકાર પ્રચાર કરે છે પરંતુ અમલીકરણ કરતી નથી.
   દરમિયાન પાટીદારો સામે રાજયભરમાં ૧૪૦૦ ગુના નોંધાયા છે તેમાંથી ગણીને માત્ર ૧૭૮ જેટલા કેસ પાછા ખેંચવાની વાત છે જે કેસ જાહેરનામાના ભંગ બદલ કરવામાં આવ્યો હોય તે છે. તેવુ પાસના સુરતના કન્વીનરે કહ્યુ છે. પાસના સુરતના કન્વીનર ધાર્મિક માલવીયાનું કહેવુ છે કે જે કિસ્સામાં આઇપીસીની કલમ ૧૪૪ અને ૧૮૮ એટલે પો.કમિશ્નરના જાહેરનામાનો ભંગ કરવાના ગુના હોય તેવા જ કેસ પાછા ખેંચવાની વાત છે. આવા કેસ રાજયમાં ૧૭૮ છે જયારે સુરતમાં ૧૮થી વધુ છે.
   તેમનુ કહેવુ છે કે વાસ્તવમાં તો જે કેસ ગંભીર પ્રકારના કહી શકાય તેવા કેસની વાત સરકારે કરવી જોઇએ તેના બદલે મામુલી કેસના નામે સરકાર ખોટો જશ ખાટવા નીકળી છે. સરકારની આ નીતિ સામે પાસ નારાજ છે. પાસ અને સરકાર વચ્ચે તાજેતરમાં બેઠક યોજાઇ હતી જેમાં સરકારે પાટીદારોના આંદોલન દરમિયાન થયેલા કેસો પાછા ખેંચવાની તૈયારી દર્શાવી હતી. બેઠકમાં અનામત અંગે કોઇ નિર્ણય નહી લેવાતા પાટીદારોએ બેઠકમાં જ વિરોધ કર્યો હતો. સરકારે ગઇકાલે કહ્યુ હતુ કે, કુલ ર૩પ જેટલા કેસ પાછા ખેંચવામાં આવ્યા છે.
Source :- http://www.akilanews.com/13102017/main-news/1507868876-115887
રોજીંદા વપરાશની ૧૦૦ જેટલી ચીજવસ્તુઓ પરનો GST ઘટશે
સફેદ ચોકલેટ, મસ્ટર્ડ સોસ, કસ્ટર્ડ પાઉડર, શેમ્પુ અને વાળમાં લગાડવામાં આવતા ક્રિમ પરના દરોને ૧ર ટકાથી ૧૮ ટકા વચ્ચે નક્કી થાય તેવી શકયતાઃ ૯મી નવેમ્બરે કાઉન્સીલની બેઠકઃ સ્ટેશનરી પ્રોડકટની ચીજવસ્તુઓ પરનો જીએસટીનો દર પણ ઘટશેઃ સરકાર માને છે કે જીએસટીના દરોમાં સમાનતા નથી
રોજીંદા વપરાશની ૧૦૦ જેટલી ચીજવસ્તુઓ પરનો GST ઘટશે
   નવી દિલ્હી તા.૧૩ : કેન્દ્ર સરકાર રોજબરોજના ઉપયોગમાં આવતી અનેક વસ્તુઓ પર ટુંક સમયમાં જીએસટીના દરોમાં ઘટાડો જાહેર કરશે. જીએસટી પરીષદ લોકો સાથે જોડાયેલી ચીજવસ્તુઓ ઉપરના દરો ઘટાડવા આવશે. હવે પછીની જીએસટી પરીષદની બેઠક ૯મી નવેમ્બરે યોજાવાની છે. આ બેઠકમાં સફેદ ચોકલેટ, મસ્ટર્ડ સોસ, કસ્ટર્ડ પાઉડર, શેમ્પુ અને વાળમાં લગાડવામાં આવતા ક્રિમ પરના દરોને ૧ર ટકાથી ૧૮ ટકા વચ્ચે નક્કી થાય તેવી શકયતા છે. અત્યારે આ બધી વસ્તુઓ ઉપર ર૮ ટકા જીએસટી લાગુ છે. આ જ પ્રકારે સ્ટેશનરી સાથે જોડાયેલી ચીજવસ્તુઓ જેમ કે ફાઇલો, પુસ્તકોના બાઇન્ડીંગ સાથે જોડાયેલી સામગ્રી, લેટર કલીપ્સ, લેટર કોનર્સ, પેપર કલીપ્સ, ઇન્ડેકસીંગ, ટેગ અને ઓફિસમાં ઉપયોગમાં આવતી વસ્તુઓ પર ૧૮ ટકા ટેકસ લાગુ કરવામાં આવ્યો હતો.
   સરકાર એવી ચીજવસ્તુઓ ઉપરના ટેકસના દરને ઘટાડવા વિચાર કરી છે જે રોજબરોજ લોકો સાથે જોડાયેલ હોય અને લોકો તેનો ભરપુર ઉપયોગ કરતા હોય. સરકાર ૧૦૦થી વધુ ચીજવસ્તુઓના દર ઘટાડશે કે જેનો ઉપયોગ રોજીંદા વપરાશમાં થતો હોય. આમાંથી મોટાભાગની ચીજવસ્તુઓના કરના દર ર૮ ટકા રાખવામાં આવેલ છે. સરકાર દરોમાં ઘટાડો કરવાની સમીક્ષા કરી રહી છે. રોજબરોજમાં ઉપયોગમાં આવતી અનેક વસ્તુઓ પર જીએસટીના દરોમાં સમાનતા નથી. આ જ કારણ છે કે આવી વસ્તુઓની એક યાદી તૈયાર કરવામાં આવી હતી. જેના પર ગત બેઠકમાં ચર્ચા થઇ હતી. સરકાર ત્રણ મહિનાથી સતત આ મુદે વિવિધ પક્ષકારો પાસેથી સુચનો લઇ રહી છે.
   જીએસટી પરીષદની રરમી બેઠકમાં રર વસ્તુઓ તથા પાંચ સેવાઓના ટેકસમાં ઘટાડો કરવામાં આવ્યો હતો. હવે આગામી બેઠકમાં વધુ ચીજવસ્તુઓ ઉપર ટેકસ ઘટાડવા તૈયારી કરવામાં આવી રહી છે. ઉદ્યોગ સંગઠનોએ પણ ટેકસ ઘટાડો કરવાની માંગણી કરી છે. રોજબરોજના ઉપયોગમાં આવતી ચીજવસ્તુઓ પરનો ટેકસ ર૮ ટકા ટેકસ હોવો ન જોઇએ તેવી સંગઠનોની માંગણી છે.
Source :- http://www.akilanews.com/13102017/main-news/1507868897-115888

ગુજરાતમાં ૧૮ વર્ષ બાદ મોદી વગર લડાશે ચૂંટણીઃ વિકાસ અને વિકાસના એન્કાઉન્ટર વચ્ચે જંગ
ચૂંટણી મોદી સરકાર માટે પ્રતિષ્ઠાનો પ્રશ્નઃ મોદી - શાહની જોડીના નાકનો સવાલઃ પ્રથમવાર ચોપાંખિયો જંગઃ પાટીદારો - દલિતો કિંગ મેકરની ભૂમિકામાં
ગુજરાતમાં ૧૮ વર્ષ બાદ મોદી વગર લડાશે ચૂંટણીઃ વિકાસ અને વિકાસના એન્કાઉન્ટર વચ્ચે જંગ
   નવી દિલ્હી તા. ૧૩ : ગુજરાતમાં વિધાનસભાની ચૂંટણીઓ યોજાવા જઈ રહી છે ત્યારે ચાલો જાણી લઈએ આ ચૂંટણીના કેટલાંક મહત્વપૂર્ણ પાસા. ગુજરાતમાં મોદીના સીએમ તરીકેના વળપણ હેઠળ ચૂંટણી યોજવામાં આવતી હતી, પણ પ્રથમવાર ૧૮ વર્ષ બાદ મોદી વગર ચૂંટણી લડવામાં આવશે. માત્ર મોદી માટે નહીં મોદી સરકાર માટે પણ આ પ્રતિષ્ઠાનો સવાલ છે.સાથોસાથ પીએમ મોદી અને અમિત શાહની જોડીના નાકનો સવાલ છે.
   બીજી તરફ અણધાર્યા રાહુલે ગુજરાત ગજવી દેતા કોંગ્રેસ હાલમાં જોરમાં છે. ત્યારે એક એવો પ્રશ્ન પણ છે કે શું ભાજપ અને કોંગ્રેસ માટે આરપારની લડાઈમાં કોઈ ત્રીજો ફાવશે ? એ વાત વિરોધીઓએ પણ સ્વીકારવી પડે કે મુર્છિત અવસ્થામાં રહેલી કોંગ્રેસમાં હાલ પ્રાણ ફૂંકાયા છે. રાહુલે એકલે હાથે તેમાં પ્રાણ પૂર્યા તેમ પણ કહી શકાય.
   હાલની પરિસ્થિતિની જો સમીક્ષા કરવામાં આવે તો કોગ્રેસમાંથી ભાજપ જોડાયેલા એમએલએની સ્થિતિ ન ઘર કા ન ઘાટ કા જેવી છે. ગુજરાતમાં પ્રથમ વાર ચૂંટણી વિકાસ અને વિકાસના એન્કાઉન્ટર પર ફોકસ થઈ છે.
   ગુજરાતમાં પ્રથમ વાર ચૌ પાંખિયો જંગ ખેલાય રહ્યો છે. બાપુ પર સૌની નજર છે. બાપુની જનવિકલ્પ અને કેજરીવાલની આપ કોઈનું ગણિત બગાડી શકે છે કે કેમ તે એક મુદ્દો છે.
   આમતો ભાજપ-કોગ્રેસ વચ્ચે મુખ્ય લડાઈ છે આમછતાં પાટીદાર, દલિતો કિંગ મેકરની ભૂમિકામાં છે. ગુજરાતના કુલ મતદારોમાં ૨૦ ટકા પાટીદારો વિજયનું  ગણિત બદલી શકે છે. દલિતોની ઉપેક્ષા પણ સરકારને ભારે પડી શકે છે. જો કે દલિત વાલ્મિકી સમાજને ખુશ કરવા સરકાર તમામ જોર લગાવી રહી છે. આમછતાં ગુજરાતના રાજકારણમાં આ પ્રથમ ઘટના છે કે ત્રણ વર્ષમાં ત્રણ મુખ્યમંત્રી જોવા મળ્યા.
   બીજેપીનો ૧૫૦ નો ટારગેટ કેવી રીતે પુરો થશે તે એક પ્રશ્ન છે કારણકે ખુદ કાર્યકરો નિરુત્સાહ છે. બીજી તરફ ભાજપની તમામ નબળાઈ કોગ્રેસનો મોટો ફાયદો કરાવશે. ગુજરાતમાં કોગ્રેસ બે દશકાથી સત્તા બહાર છે ત્યારે હવે તેના માટે સોનેરી તક છે. ભાજપ વિકાસનુ બ્યુગલ વગાડી રહ્યું છે ત્યારે કોંગ્રેસ વિકાસના એન્કાઉન્ટરનું સાથોસાથ નોટબંધી અને જીએસટી જેવા મુદ્દા સાથે ઉઘોગપતિઓની સરકારનું બ્યુગલ વગાડે છે. ગુજરાતમાં ૧૮ વર્ષની ભાજપનુ રાજ છે પણ હવે શિક્ષિતો  સજાગ બન્યા છે.
   દેશના વડાપ્રધાને ગુજરાતની એક વર્ષમાં ૧૨ વાર મુલાકાત લીધી હોય તેવી આ પહેલી ઘટના છે. રાહુલ ગાંધીએ છેલ્લા ૩ માસમાં ગુજરાતની ૩ મુલાકાત લેતાં ભાજપ ચિંતામાં આવી ગયું છે. રાહુલ ગાંધીના પ્રવાસમા જન મેદની વધી છે જયારે ગૌરવ યાત્રા ફિકી પડી ગઈ છે તે પણ દીવા જેવી હકીકત છે.
   ૧૮ વર્ષથી સત્ત્।ા બહાર રહેલી કોંગ્રેસે પ્રથમ વાર એકજુટતા બતાવી છે. ભાજપનો જે રીતે વિરોધ કરતો પ્રચાર કરવામાં આવી રહ્યો છે. જોકે આ ઉપસતા ચિત્રો વચ્ચે પણ ગુજરાતનો મતદાર કોના પર કળશ ઢોળશે તે તો સમય આવે જ ખબર પડશે.
 Source :-http://www.akilanews.com/13102017/main-news/1507870850-115891
 
GetGovernment or Education Exam Material Online (GSG) Click Here 
Source :- http://www.gujaratsamachar.com, http://www.divyabhaskar.co.in/ ,
http://www.akilanews.com/
Products :- Quick Heal Antivirous, Tally, GST, Std 1 to Std 10 All Subject Total Syllabus DVD(English Medium, Gujarati Medium) -, Std 11,12 Science All Subject Total Syllabus DVD(English Medium, Gujarati Medium), Photoshop,C, C++, Java Learn in Gujarati CD, Other Software DVD,etc…Click Here to Online Test
  More Products List Click Here
Note :- Purchase any products just email inquiry.gsg13@gmail.com
Published By :-
Gayatri Solution Group
{ Jayesh Patel} (Live In :- Gujarat)
Website :- http://gayatrisolutiongroup.com/